i ❤ Nail =] 如何將瘋狂購買的指甲油.. 瘋狂的使用才是最高境界........

i ❤ Nail =] 如何將瘋狂購買的指甲油.. 瘋狂的使用才是最高境界........

 

瘋狂購物後.. 唔用..一d 都唔出奇...

瘋狂購物後.. 用唔哂.. 好多人都會..

瘋狂購物後.. 唔知點用.. 好多人都會遇到..

瘋狂購物後.. 唔記得用.. 大把人在..

瘋狂購物後.. 排著隊用... 都要記得先有得排..

瘋狂購物後.. 點先係最高境界?  我個人認為...(真係好個人..) 瘋狂咁用..先係最高境界..

 

瘋狂咁用.. 即係唔等洗咁用...

以下行為實在係有d 痴線...

但係.. 當我見到成品時.. 會好滿足.. 好自豪...仲有d 痴線..

 

在我立場.. 點可以一次過清楚知道自己有乜甲油呢??

對.. 係一次過... 好似睇sample 咁..

一來方便自己再添新色..再買..

二來方便自己用...

三來.. 好靚.. <--超白痴無聊原因

四來..可以好型咁... <-- crazy too..

五來.. 自己好似開鋪頭咁.. <---細細個幻想自己做老師,拎自己d 功課改一樣...

好低能..唔好講咁多la.. 睇下我攪左d 乜先....

 

製成品...

 

 

大家有興趣看嗎?? 好~ 睇下個step 係點先~~

 

準備東西..

一舊blue tape,

假甲..(淘寶貨仔.. 唔駛5蚊有50隻),

雜誌,表面有蠟面既(唔可以用報紙)

膠紙...

咭紙...(舊的咭紙.. 之前買unqxxx 件背心夾著的..)

marker...

甲油.. <-- 主角黎ga

 

step 1: 首先將假甲用blue tape固定o係雜誌上面..(我就用左skincare 個張宣傳咭...)

本身假甲係透明的..(個人鍾意透明多過白色..)

 

step 2: 塗上甲油, 待乾...大約都要等10分鐘左右

 

step 3:待乾後.. 將假甲後面貼上膠紙..

 

step 4. 貼上..已經編好數字的咭紙上....

次序隨你鍾意...顏色分類我以近似的顏色黎排..

p.s. 因為整時, 我依自己鍾意d 色黎油..所以次序做唔到顏色順序..

 

step 5: 貼完假甲後.. o係樽身寫返..相同既數字..方便自己將來揾埋..

因為本身d 貼甲多深色.. 用銀色筆靚d.. (又係自我幻想..)


有d 甲油個樽大.. 可以寫o係頭頂.. 放入櫃或者盒都顯而易見~

 

step 6: 都差不多集齊所有甲油la~~

 

大功告成~~~~ yeah~~ 好靚呀!!!

 

 

又係小貼士時間....

 

提提你~

1> 相信大家都會話.. 市面上有d 一塊過既假甲.. 塗哂上去咪得law..

唔駛左痴右痴咁.. 咁麻煩..

對呀! 我曾經都試用過lee d..

但問題係.. 當你over 20支時.. 已經唔夠位..

用左一次後.. 唔可以抺左佢再油過.. (因為佢已經蝕左落膠面到,變得鞋十十.. )

即係話.. 當你有新甲油.或者舊有用唔到.. 想換位或replace 時..

已經無可能..

而且佢係無位俾你寫no.. 我以前用時.. 係貼label 在背面…

但唔方便law.. 所以放棄了..

大家睇下我lee 個舊野… -- 好樣衰law..

2> 貼假甲上咭紙時.. 唔可以用雙面膠紙.. 只可以用有厚度的雙面膠紙..

本身假甲有個虛位.. 一張簿的雙面膠紙係貼唔實ga..

將普通膠紙返轉將有膠個面向出.. 貼成一個圓圈..

可以固定到個假甲…

3> 唔建議油哂所有假甲先再佢貼落咭.. 等佢乾既途中.. 係好易調亂色..

更新~~

4>建議..唔駛將黑色.. 透明.. 底油...光油... 放入list 內.. 哂氣~ 

最後..如果大家認同我係..痴線.. please like.. wahahah~~

如果認為我係無聊.. please comment 無聊…..

我覺得... 咁樣用.. 可以話哂野.. 可以話物盡其用...

點講都得.... 我覺得係..瘋狂咁用..

Thanks..

 

enjoy.. i ❤ i am 爛玩王