i ❤ Nail =] 超推介的抺甲油紙…Nail Polish Remover Pads
相信塗指甲油的sis 對抺甲油紙一d 都唔陌生…
但有多少人會用呢? 真係唔清楚…
但我相信大家都有d 共同煩惱, 就係要抺走d 閃粉同埋深色指甲油,
我本身抺含閃粉甲油同深色指甲油時,
用超多化妝棉同埋洗甲水先可以洗乾淨少少…
但有時候.. 抺深色指甲油..(好似紅色… 黑色… 深藍色..啡色..祖紅色..灰色..)
抺左之後.. 係成手都係餘下既顏色.. d 指甲邊好似困哂黑邊咁…
諗起都想死….
而閃粉甲油呢… 佢直情死都要痴o者o係你既指甲上面… 平時又唔見佢咁頑強wo…
抺極都痴著…
就o係上次去泰國時.. o係boots 見到一盒桃紅色招紙既抺甲油紙,
Conditioning Nail Polish Remover Pads with rosemary oil.
一時好奇心作怪.. 而令我買左佢…
本身見到唔平.. 所以都唔係好捨得買!!!
成港幣2x 蚊先得15pcs…. 最後只係買左一盒試下..
但返到黎.. o係對付d 深色同閃粉指甲油時發現,
佢真係好好用… 平時用成5-6張濕的化妝棉抺都唔乾淨…
宜家用一張就可以了..而且佢有好香既rosemary oil 味..
絕對絕對絕對絕對絕對係好聞過d 酒精味道… 用完仲覺得唔傷手同滋潤左~
當然.. 我好快地用哂lee盒好野, 當我朋友去UK旅行時..(又係朋友去旅行要幫我買野….)
當地出左名.. boots 平架ma.. 當然要叫佢揾下la..
點知佢得原味咋… 但價錢平好多wo..港幣1x元咋~ 都係15pcs…
當然無咁好聞la.. 功效始終覺得差d law..
題外話…. 點解咁多好物..都係外國拎返黎架呢?? 乜香港無架咩? 成日都要水貨水貨.. 真令人費解!!!
Enjoy… i ❤
沒有留言:
張貼留言