"「港女」被互聯網及傳媒冠上太多如「公主病」等負面形容詞，過分渲染，令女士反感。相反，在百多名男受訪者中，竟有七成一表示不介意被稱「港男」，葛相信，「港男」字義同樣負面，但社會暫時對「港男」未有太熱烈討論，男士相對較易接受。"
我其實十分介意被稱為港女, 一來覺得俾人踩低..二來覺得有歧視成分tim..
港女=公主病=要求男人付出好多金錢=要求男人"千就" 自己..
這好像不只是"= 等於" 係 "恒等於"
我明白.. 毎到一個時期..都總會有d 代號黎形容個個年紀上既特性..或者 特質..
但總不會俾形容成這樣嗎?!!
"鑽石王老五 =有錢的單身男人" <--有讚許成份..
"毒男=中毒的男仔,拎著部單鏡影女仔" <--個人喜好問題..當事人只係鍾意影相,而且d 女仔鍾意俾人影..
"宅男=成日留o係屋企既男仔" <--都係個人喜好問題..可能本身當事人只係少出聲..少出街吧了
"中女=到左3x 歲的女人..或者女仔" <--事實係人到中年..無計,係人都會老, 不是嗎?!
"敗犬=到左3x歲未嫁出的人而事業有成的女人" <--事實都係咁...有事業.. 唔會差吧!!
"師奶=結左婚o係屋企照顧小朋友的女人" <---師奶計數叻,買野精打細算..電視劇都有做la.. 師奶都可以好叻..
"黃面婆=結左婚o係屋企照顧小朋友而唔多執靚自己的女人" <--只係時間上安排既問題, 仔女一大.. 即刻去變靚.. 美白都可以la..
綜合以上的稱呼.... 毎一個都有被讚許/讚賞的地方...
為何 "港女" 沒有呢? 是否毎一個香港女仔都會有被形容為 "港女" 的機會呢??
我明.. 好多女仔..好嗲..好想個男友對自己千依百順,好想個男友養埋自己...照顧自己好似"公主"咁..
講真.. 牛唔飲水唔按得牛頭低.. 你唔鍾意個女仔,可以唔服侍佢.. 唔理佢.. 唔好同佢一齊tim..
難道"女仔" 照顧 "男友" 就可以?! 食得咸魚抵得渴... 真係咁差嗎??!
沒有值得欣賞的地方嗎?? 恕我見識少, 從未聽過有人係 "讚" 港女的.... why ???
或者.. 有另外一個稱呼同樣地..."黑人憎" 令人"討厭" 的.. 就是 "80後" 下次再講....!!!
enjoy~ i ❤....
沒有留言:
張貼留言